Myitkyina kaw Tuk-Kwe Ana Chyawm Bra Nga
September 23, 2006

Lahpai Zau Gam

Myitkyina mare hta n’dai laman Tuk-Kwe ana chyam bra nga ai majaw mare masha law malawng machyi makaw hkrum sha nga ai lam, mare masha ni tsun ai.

“Myitkyina kaw aging agan byin nga ai, ma n’kau gaw kalang sha n rai, lahkawng lang pyi bai byin ai,” ngu mare masha langai tsun ai. Marai kade machyi nga ai jahpan hpe hkrak n chye tim, Myitkyina mare na Myo Ma, Myo Thit, Hke-Ma-Thiri, Aung Nan Yeik Tha, Shan Su lawk hkan grau byin ai lam chye lu ai.

Mare masha ni machyi makaw hkrum nga tim mare uphkang ai ni hku n’na hpa mung ahkyak la ya lam n nga ai hpe chye lu ai.

Myen hpyen atsuya gaw shi a Hpyen Dap matu mung dan jai gumhpraw a tsa-hta-shadang 40 jan jai lang nga tim, Mung Shawa Hkamja Dap a matu gaw tsa-hta-shadang 7 sha jai lang ai rai nga ai.