Laiza Makau na Myen Gate Dawm
September 14, 2006

Lahpai Zau Gam

Jinghpaw mung Laiza mare hte deng mi daram tsan ai shaga kaw jung tawn ai Myen Hpyen Dap gate hpe bai dawm kau sai lam, ga jarit shiga lawk hku chye lu ai. Ya n’dai shara hta Wunpawng Mungdan Shanglawt Hpyen Dap kawn kalang ta bai shara la da sai rai nga ai.

Laiza makau na Myen gate gaw laiwa sai August shata htum hta Myen Hpyen Dap a Sit-Sin-Yae-Hnit-Lone-Chone-Yae-Ahpoe na General Ye Myit Laiza de du wa ai hpang dawm kau ai rai nga ai.

Myen gate hpe dawm kau ai hpang, Miwa mung htinglu-htinglai shalai nga ai gun rai ni yawng hpe pat kau ya ai majaw, Laiza jauman ni hta lai n’na hpaga la law malawm Laiza kawn pru mat wa sai rai nga ai. “Hpa galaw sha n mai wa sai majaw, Kani Nang Hpam dut lu dut sha ai ni grau law wa ai,” ngu Laiza mare masha langai tsun dan ai.

“Hpun mung n mai shaw, hpaga yumga lam mung pat rai sai re majaw, anhte KIO hpe Pyat-Lay-Pyat galaw nga ai re,” ngu mying n kam shadawng ai KIO magam gun langai tsun ai.

Grau n’na, nam-law nam-lap htaw shalai ai mawdaw ni hpe pyi n ngam hkra Myen Hpyen Dap kawn rim nga hpe chye lu ai.