Kahtawlik Saradaw N’nan San Da
September 08, 2006

N’hkum Gam

Myitkyina mare na Kahtawlik hpung a Saradaw ningnan hpe lai wa sai bat kawn lata san dat sai lam, Kahtawlik shiga lawk hku chye lu ai. Wa Jau Sumlut gaw du na November 26 ya kawn Manmaw Saradaw Aseng a Saradaw ningnan tai wa na rai nga ai.

Wa Jau Sumlut hpe Jinghpaw mung na Wa Jau ni ra lata da ai hpe Vatican na Kahtawlik Hpung Daju kawn shagrin ya ai rai nga ai. Wa Jau Sumlut gaw ya ningnan hpaw hpang na Manmaw Saradaw Aseng hta lit ang na rai nga ai.

N’dai Saradaw shatai poi hpe November 26 hta galaw na rai nga ai. Poi hpe gara buga kaw galaw na hpe hkrak n chye shi tim, Manmaw buga kaw galaw teng na re lam chye lu ai.

Ya ten du hkra Wa Jau Sumlut hte rai yang, Jinghpaw Wungpawng myusha ni hta na Saradaw aya lu ai marai 4 rai sai rai nga ai. Dai Saradaw ni gaw, Lashio Saradaw Philip Zahkawng, Myitkyina Saradaw Francis Daw Tang hte Saradaw Paul Zing Htung Grawng ni rai ma ai.

Dai hta na Saradaw Paul Zing Htung Grawng gaw Jinghpaw mung ting hpe laiwa sai 50 ning daram kawn Myitkyina Saradaw Ginwang langai hku woi awn ningshawng let Jau ginwang 20 jan hpe Wenyi kawa tai let uphkang lai wa sai rai nga ai.