Sam Mung na Jinghpaw Mare hkan Myen Hpyen Lahkawn
Mali Pan Tsun / October 28, 2006

Myen hpyen dap kawn Sam mung dingdung na Jinghpaw Wunpawng ramma ni hpe Myen hpyen la shatai na matu n’dai shata laman hta atik anang hpyen lahkawn nga ai lam, Sam mung shiga lawk hku chye lu ai.

Sam mung dingdung na Hpai Kawng mare, Wan Din mare, Gan Myin mare hte Miwa ga jarit hkan na mare law malang hta Myen hpyen dap kawn mare salang ni hpe hpyen la lahkawn na matu aming jaw da ai lam, mare masha ni kawn chye lu ai. Hpyen lahkwn ai hta Jinghpaw ramma ni hpe madung tawn n’na lahkawn na matu matsun da ai lam, chye lu ai.

Myen hpyen dap a matu mare langai mi masha n law htum 40 ap ya ra ai majaw, mare masha ni grai hkrit n’na, La Wangan law malawng gaw gan yen mat ai lam, chye lu ai. Gan Myin mare hta gaw n’dai shat e Myen hpyen dap matu hpyen lahkawn ai 10 lang daram rai sai lam hte Kani ya ni hpe pyi n ngam hkra lahkawn ai lam, mare masha ni tsun ai.

N’dai zawn Myen hpyen dap kawn Sam mung dingdung hkan na mare ni hta hpyen lahkawn nga ai majaw mare masha ni gaw n-ni n-kri hkam sha let hkrit kajawng nga ai hpe na lu ai.