Jinghpaw Yungwi Shayi Mying Gumhkawng
Lahpai Zau Gam / October 24, 2006

Wunpawng yungwi shayi L. Seng Zi gaw Yangon mare na City FM radio yungwi n sen shapoi dap kaw, yungwi madat ai ni ra htum ai yungwi shayi langai rai nga ai lam, Yangon shiga lawk hku chye lu ai.

L. Seng Zi a Myen hku mahkawn da ai ‘Moe-Yar-Thi-Hte-Thichin’ hpe Yangon City FM a Yin-Hkone-Than FM lamang hta laiwa sai shata 10 tup madat paw dik ai mahkawn langai hku n’na yungwi madat ai ni a lata san da hkrum ai rai nga ai. City FM a Yin-Hkone-Than FM lamang hpe 2005 ning December shata kawn hpang wa ai rai nga ai.

‘Moe-Yar-Thi-Hte-Thichin’ mahkawn hpe yungwi madat ai Num 92% hte, La 8% hku n’na lata san ai re lam, City FM jahpan hku chye lu ai.

Ya ten hta Myen yungwi madat ai ni lapran hta mying gumhkawng nga ai Jinghpaw Wupawng yungwi shayi shadang ni gaw L. Seng Zi, L. Lung Wa hte Rebecca Win ni re lam chye lu ai.