Muse Balik ni N tara ai Gumhpraw hta Sha Nga
October 14, 2006

Lahpai Zau Gam

Muse hta laiwa sai shata kawn ga jarit tawt lai shabrai jat hta wa ai majaw Miwa mung de lagu shang ai ni hpe Balik ni hku n’na gumhpraw hta sha nga ai lam, Muse shiga lawk hku chye lu ai.

Myen atsuya kawn htuk ya ai Myen-Miwa jarit tawt lai ai laika buk Ahkyeng sha n nga, laikaw buk Amut hpe mung bai dim shapraw n’na, gumhpraw hta sha nga ma ai. Laika buk Ahkyeng hta laika man grai lawm tim, Amut hta gaw laika man langa sha lawm ai rai nga ai.

Jarit tawt laik laika buk Amut lang n’na Miwa mung de shang yang 6 ya na matu Myen gumhpraw lap 1,000 jaw ra ai lam, Miwa mung de lani mi sha shang n’na, hpang shani kalang bai shang yang mung lap 1,000 kahtap jaw ra ai lam, Muse mare masha langai tsun ai.

“Marai mi sha rai yang gaw lagyim shang ai. Raitim, gat dut sha ai ni matut grai yak ai. Shanhte jaw ai 6 ya na matut gaw Miwa mung Ruili kaw 6 ya tup nga ya ra na zawn byin nga ai,” ngu Miwa mung de gat dut sha nga ai gat num langai tsun ai.

Ya ten hta Myen mung masha law malawng gaw tara shang gate ni hku n’na tawt lai ai lam nau n nga wa ai hpe mu lu ai. Dai hte maren Myen Balik ni mung lagyim hku hkan sin la let lagyim shang ai ni hpe gumhpraw hta sha nga ma ai.