Jinghpaw Mung hta N-gu Manu Rawt
The Kachin Post / December 14, 2006

Myen hpyen dap hte lawu mung na n-gu hpaga la ni ya ten hta Jinghpaw mung na n-gu ni hpe maja hkan mari nga ai majaw, Jinghpaw mung hta n-gu manu rawt mat sai lam, wan leng lam shiga lawk hku chye lu ai.

Jinghpaw mung na Moe Nyin, Min Done hte Namma zawn re ai mam pru ai shara hkan Myen hpyen dap hte lawu ga na hpaga la na kashun kashe n-gu hkan mari nga ai majaw, n-gu manu lap 100 daram rawt mat ai rai nga ai.

Moe Nyin kaw n-gu shaja bye mi Myen gumhpraw lap 500 kawn 650 rai mat n’na, n-gu shakya bye mi gaw lap 350 kawn 450 rai mat sai lam, Moe Nyin mare masha langai tsun ai.

Ya ten hta Moe Nyin mare kawn Myitkyina mare de lani myi n-gu buri 200 jan htaw shalai nga ai raitim, Laiza mare de htaw shalai ai hpe gaw pat da ai lam chye lu ai. Dai re majaw Laiza kaw n-gu bye mi Myen gumhpraw lap 1,000 rai nga sai lam, Laiza mare masha ni kawn chye lu ai.