Myitkyina kaw Damya Shang
June 20, 2006

The Kachin Post

Myitkyina mare na mying kaba ai ‘Tinggi Ja Seng’ kaw June 18 ya jahpawt e damya a kajawng sha shang n’na Ja rai ni mya la mat wa ai lam, mare masha ni kawn chye lu ai.

N’dai damya ni gaw ramma ni sha rai n’a, nau n na ai ten hta sha bai lu rim la ai lam chye lu ai.

Dai damya yan gaw jahpawt jau jau e Tinggi Ja Seng hpaw ai hte rau shang wa n’a seng madu ni garai n rawt shi ai ten, ja seng sin wa chyinghka hpaw ai hte htim mya la ai rai n’na, bai hprawng ai kaw Motorcycle n lu sharawt ai majaw, lagaw lam hte hprawm hkawm nga ai shaloi rim hkrum ma ai rai nga ai.

Byin mat wa ai mabyin masa ni hta Wunpawng Mungdan Shanglawt Hpung, KIO, Myitkyina kyit hkai rung na hpyen la kasha langai a laknak hpe mung rim lawm ai lam chye lu ai.

Damya ni lang ai kaw sinat kadun mung lawm ai rai n’na, sagawn yu ai shaloi Shatapru KIO kyit hkai rung kaw na Shanglawt hpyen la kasha langai kaw na shap mat wa ai sinat kadun re lam chye lu ai.