Manmaw kaw Myen Hpyen Lahkawn
January 03, 2006

Mali Pan Tsun

Myen Hpyen Dap kawn Manmaw mare kata hte shinggan hkan e lai wa sai December praw 10 jan hkan kaw n’na Hpyen lahkawn nga ai lam chye lu ai.

Marai kade rim hkrum sai hpe tup hkrak n chye shi tim, n’ta n du wa ai shabrang ma ni hte, mat taw ai ni grai law nga ai lam chye lu ai. Mabyin langai mi hta, shana ten Sumla hkrung yu n’na n’ta wa ai lam n’maw e hkawm wa ai ni hte manap daw myi n mu shi yang na gat hkan e rim lahkawn ai rai nga ai.

December shata praw 22 ya hta Hpyen lahkawn hkrum ai ni hpe Amyawk mawdaw 10 jan hte Manmaw-Nam Hkam lam hku lai wa ai hpe Manmaw mare masha ni tsun ai.

N’dai mabyin ni a shawng e, Manje mare kaw mung lahkawn hpang ai re lam chye lu ai. Myen hpyen lahkawn ai masing gaw, Sam mung dingdung hta shamu shamawt nga ai Yawd Serk ningbaw ai Shan State Army, SSA, rawtmalan hpung a dap dung langai hpe gasat na matu hkyen lajang ai re lam ni nawn ai shiga lawk hkan na chye lu ai.