Yangon kaw Bawm Kapaw
March 20, 2005

The Kachin Post

Yangon mare na Panorama Hotel kaw mani hpawt jau jau hta bawm langai kapaw mat ai lam, Reuters shiga hku chye lu ai.

Bawm gaw Panorama Hotel na manam gawk langai a hka-shin gawk kaw jahpawt hking 1 daram hta kapaw ai rai n’na, kadai mung hkala n’ba n hkrum ai lam chye lu ai. Bawm kapaw ai hte seng n’na gara uhpung uhpawng mung lit la tsun shaga ai lam n ga ai.

Hotel gaw Yangon mare ka-ang na Pansodan lam makau kaw nga ai rai n’na, Yangon Wan Leng Daru hte mung ni ai shara rai nga ai. Maning na June shata hta Yangon Wan Leng Daru makau kaw bawm kasha 5 lang kapaw mat sai rai nga ai. Dai hpe Myen hpyen atsuya gaw maigan nga shi hpe ninghkap nga ai Myen mung masa hpung ni hpe mara shagun wa sai rai nga ai.

Ya ten gaw Myen hpyen dap gaw de wa ai shaning 60 ning masat masa poi hpe March 27 hta galaw na re majaw Yangon mare hta shim lam aging agang la nga ai aten rai nga ai.