Than Shwe Du Sa na re Majaw Myitkyina Mare Masha ni Nga Yak
December 14, 2005

The Kachin Post

Myitkyina Mare de Myen Hpyen Du Daju Than Shwe du sa lam nga ai majaw ya ten jut shara shagu hkan pat shingdang san jep ai lam ni byin taw ai majaw hkawm sa hkawm wa grai yak nga ai hpe mu lu ai.

Jinghpaw Wunpawng sha ni a Manau Wang kaba kaw pyi kadai n mai shang na hku pat shingdang da ma ai hpe mu lu ai. Dai kata kaw na Htunghking Komiti salang ni pyi mungchying masat laika pa madun n’na she mai shang ai lam chye lu ai.

Telephone line ni mung yawng pat da ai rai n’na, sumtsan de phone shaga na matu grai yak nga ai lam Myitkyina kaw nga ai hpaga la ni tsun kajai nga ma ai.

Myitkyina grup yin shara shagu hte Du kaba wa hkawm sa na shara shagu ya kawn na kadai n mai shang hkawm na hku lajang nga ma ai.

N’dai lang na Than Shwe du sa ai lam gaw, N’jang Yang Mare ninghtawn hpe bai gyin shapraw na lam chye lu ai.

N’jang Yang gaw moi ten Wunpawng Mungdan Shanglawt Hpyen Dap, KIA, ni htim kasat n’na Myen hpyen ni gat ayai mat ai Mare kaba langai rai nga ai.