SKCF 10 Ning Hpring Poi Galaw na Hkyen

The Kachin Post

September 06, 2004 — Singapore Jinghpaw Wunpawng Hkristan Kanawn Mazum Hpawng, Singapore Kachin Christian Fellowship (SKCF), a 10 hpring chyeju shakawn poi hpe du na ra ai November 13-15 hta galaw na lam chye lu ai.

SKCF hpe 1994 ning August 15 ya hking 5:00pm hta Singapore mare na Far Eastern Bibble College jawng wang kata kaw Chyum jawng ma Kareng Bawm Awn, Lazum Lung Wa, Hpung Raw Hpung Seng hte Singapore Jinghpaw Wunpawng myusha n’kau mi hkrum zup let Singapore Jinghpaw Wunpawng Kanawn Mazum Hpawng hpe hpaw hpang wa ai rai nga ai. Dai ten hta Karen Brang Awn hte Hkawn Sar yen woi awn let shata mi hta kalang naw ku hpawng galaw wa ai rai nga ai.

1995 October 9th ya shani shadang Sumlut Gum Tu a nta kaw Singapore Jinghpaw Wunpawng Hkristan Kanawn Mazum Hpawng Committee hpe hkrang hte hkrak lata san da let hpaw hpang wa lu sai.

Singapore mung dan hta SKCF nawku laiwa sai shara ni gaw Far Eastern College, Bedok Brethren Church, River Valley Hostel, Church of The True Light, Grace Baptist Church hte Bethesda Chapel ni rai n’na, dai ni du hkra Bethesda Chapel kaw naw ku nga ga ai. N’dai Hkristan Ganawn Mazum Hpawng hpe woi awn nga ai Hpung magam gun ni gaw Sara Redang Khin, Sara M. Tu Hkawng, Sara William La Ting, Sara L. Tu Ja hte Saranum L. Ji Nan ni rai nga ai.

2004 ning na SKCF magam gun ni gaw, Ningbaw Lanan Hkun Nawng, Ningtau Ningbaw Srn. L. Dau Nyoi, Amu Madu K.D Brang San Aung hte Ningtau Amu Madu lit hpe D.D Gam Aung hte L. Bawm Sawng ni jawm magam gun nga ai rai nga ai.

SKCF hta shang lawm ai ni yawng marai 100 daram rai n’na, laban bat shagu nawku lamang galaw ai rai nga ai.