Aung San Suu Kyi hpe Shagrau Yungwi Album Shabra

The Kachin Post

October 27, 2004 — Mungkan hta mying gumhkawng ai yungwi ninghkring 27 jawm shalat mahkawn da ai yungwi Album langai hpe Myen mung democracy ningbaw Aung San Suu Kyi rim da ai kawn lawt lu na matu hte Myen mung masha ni a share shagan myit ni a matu yaw let dut shabra sai lam, Myen democracy shiga lawk hku chye lu ai.

“For The Lady” ngu ai Album hpe October 26 kawn Rhino Records hku n’na lit la dut shabra ai rai n’na, dut lu ai amyat ni hpe America mung kaw Myen mung democracy lu lam matu shamu shamawt nga ai U.S. Campaign for Burma de jaw na ra rai nga ai. Album hta Bono, Paul McCartney, Sting hte Eric Clapton zawn re mying gumhkawng ai ni ap nawng mahkawn bang da ai rai nga ai.

“Aung San Suu Kyi gaw share shagan ajet re,” ngu U2 rock band kaw na Bono tsun wa ai.

Myen Hpyen Atsuya hku n’na gaw n’dai Album hpe Myen mung kata de n mai shabra na hku October 15 ya kawn tara shang n’dau shabra da n’na, hpyen dap kaichyan ni hpe n’dai album hte seng n’na mungdan kata hta tam sagawn na matu matsun da sai rai nga ai.

N’dai Album hta Myen mung democracy yungwi ninghkring Myitkyina mare na Mun Awng a mahkawn langai mung lawm ai rai nga ai. Dai mahkawn “Tempest of Blood” hpe 1988 ning democracy rawtmalan ladaw hta jawngma ningbaw tai wa n’na, ya du hkra Myen Hpyen Atsuya a rim rawng hkrum nga ai Min Ko Naing ka shalat ai rai nga ai.

Ya ten hta n’dai album hpe America mung na yungwi gawk hkan dut shabra nga sai rai nga ai. Mahkawn hte yungwi ninghkring malawm ni gaw lawu na hte maren rai nga ai.

Disc 1:
U2 – “Walk On”
Pearl Jam “Betterman” (live)
Coldplay – “In My Place”
Ani DiFranco – “In the Way”
Bright Eyes – “No Lies, Just Love”
R.E.M. – “Drive” (live)
Avril Lavigne – “Complicated”
Talib Kweli featuring John Legend – “Around My Way”
Lili Haydn – “Unfolding Grace”
Peter Gabriel – “Here Comes the Flood”
Natalie Merchant – “Motherland”
Maná – “Cuando Los Angeles Lloran”
Rebecca Fanya – “Paper Airplanes”
Ben Harper – “Oppression” (live)

Disc 2:
Paul McCartney – “Freedom” (live)
The Nightwatchman – “Let Freedom Ring”
Eric Clapton – “Wonderful Tonight”
Sting – “Fragilidad”
Bonnie Raitt – “Angel From Montgomery” (live)
Damien Rice – “Lonely Soldier” (live)
Travis – “The Cage”
Guster – “Keep It Together”
Hour Cast – “Memories and Lies”
Indigo Girls – “Perfect World” (live)
Better Than Ezra – “Get You In” (live)
Matchbox Twenty – “So Sad, So Lonely”
Mun Awng – “Tempest of Blood”