Myitkyina-Tengchong Lam Hpaw Poi Galaw

The Kachin Post

October 20, 2004 — Jinghpaw mung Myitkyina mare hte Miwa Gumsan mung Tengchong mare lapran matut manoi lam galaw na matu hpaw hpang ai poi hpe mani galaw sai lam KIO shiga lawk hku chye lu ai.

Lam Hpaw poi hpe Jinghpaw mung Kambaiti mare hta galaw ai rai n’na, New Democratic Army-Kachin ningbaw Zahkung Ting Ying, KIO Tingnyang Up Malai I Lanyaw Zawng Hra, Myen Hpyen Dap Jinghpaw mung uphkang daju Maung Maung Swe hte Miwa Gumsan mung na Salang ni du lung ai rai nga ai.

Lam galaw na masing a shawng ningnan ninggam hku n’na Kambaiti mare kaw na Washawng mare du hkra N’lung nep lam hpe galaw na lam chye lu ai. N’dai Lam galaw na hte Lam hpaw poi hpe Miwa ni hku na lit la n’na galaw ai rai nga ai.

Laiwa sai May shata hta Myen Hpyen Atsuya a Gawgap Hkringmang Dap hte Miwa Company Htain Min Road Construction and Maintenance Co., Ltd lit la n’na Myitkyina-Kambaiti lam galaw na matu masing jahkrat da sai rai nga ai.