Myen Hkring Mang 2 Magam Gun kawn Jahkring Hkrum

The Kachin Post

November 6, 2004 — Myen Hpyen Atsuya gaw tinang a Hkring Mang 2 hpe magam gun shara kawn jahkring kau sai lam mani na Myen hpyen atsuya a shiga dap ni hta n’dau wa sai rai nga ai.

Dinghku Hkring Mang Col Tin Hlaing hte N’chyang Hkring Mang Tin Winn ni gaw lai wa sai shata hta magam gun shara kawn shapraw kau hkrum ai Hkring Mang Daju Gen Khin Nyunt hte ni naw ai ngu shadu ai majaw shapraw kau ai lam chye lu ai.

Tin Hlaing hte Tin Winn a shara hta Maj-Gen Maung Oo hte U Taung ni hpe magam ap ya sai rai nga ai. Maung Oo gaw lai wa sai ten hta Myen Hpyen Dap Sinna Ginwang Uphkang Daju rai n’na, U Thaung gaw Hpungtang hte Jak Hpaji Hkring Mang rai nga ai.

Ya ten hta Myen Hpyen Dap gaw Kaichyan Dap na magam gun ni sha n ga Khin Nyut hte ni naw ai magam gun ni hte shahte a hpaga manang ni hpe du hkra rim jep n’na lu malu sut gan ni hpe zing la nga ai rai nga ai.

Khin Nyunt hpe shara kawn dawm kau ngut ai hpang New Democratic Army-Kachin a ningbaw Du Kaba Zahkung Ting Ying hpe Yangon de 2 lang shaga la n’na hkrum shaga ai lam mung chye lu ai.