Myitkyina-Kambaiti Lam Galaw na Masing Jahkrat

The Kachin Post

May 30, 2004— Jinghpaw mung Myitkyina mare hte Miwa Gumsan mung ga jarik na Kambaiti mare du hkra Lam galaw na matu Myen Hpen Atsuya hte Miwa Company langai lit la n’na galaw na masing jahkrat sai lam, Myanmar Times shiga hku chye lu ai.

Mile 58 (Kilometre 95) galu ai Myitkyina-Kambaiti hpe Miwa mung Hting Choung mare na Htain Min Road Construction and Maintenance Co., Ltd hte Myen Hpyen Atsuya a Gawgap Hkringmang Dap ni lit la n’na galaw na lam chye lu ai. Lam gawgap na matu US $23.2 million daram ma hkam n’na galaw na rai nga ai.

N’dai Lam galaw na contract hpe Htain Min Road Construction and Maintenance Co., Ltd na Managing Director Mr Chon Shan Chit hte Myen Hyen Atsuya a Gawgap Hkringmang Dap na Managaing Director Nay Soe Naing ni May 19 ya hta Yangon mare hta ta masat htu sai rai nga ai.

N’dai Lam hpe n’dai shata kawn galaw hpang wa sai rai n’na 2 ning laman hta lu galaw shangut na lam chye lu ai.

Lam galaw ngut ai hpang 10 lapran hta gaw Miwa Company hku na lam hpe lit la garam na hte de hpang 10 hta gaw Myen Atsuya ni lit la sa wa na lam chye lu ai.