Laiza kaw Sara Doi La a Masha hpe Rim

The Kachin Post

July 20, 2004 — Wunpawng Mungdan Shanglawt Hpyen Dap, KIA, gaw Laiza mare nga ramma langai hpe Sara Doi La a matu bungli galaw ya nga ai re ngu shadu ai majaw rim jep nga ai lam KIA shiga lawk hku chye lu ai.

Naw Tawng, asak 22 ning, hpe July 18 ya shana hta Laiza na Sara Doi La a jawng wang kaw na rim la mat ai rai n’na, KIA kaichyan dap na Du Zai San hte hpung ni jep sagawn nga ai rai nga ai.

N’dai lam hte seng n’na Pang Wa kaw du nga ai Sara Doi La gaw grai tsang ya nga ai hte Naw Tawng hpe aging agang zingri nga ai hpe na lu ai lam, The Kachin Post de tsun dan wa ai. “Jep mayu yang jep mu, asak gaw hkum hkra mu,” ngu Sara Doi La tsun wa ai. “Masha sat ai wa hpe gaw myusha ting a hpyen ngu masat na.”

Naw Tawng hpe rim na matu KIA Dap Awn Daju Du Kaba N’ban La Aming jaw ai re lam, Sara Doi La matu tsun wa ai.

Raitim, KIA hpyen du langai tsun ai gaw, Naw Tawng hpe Sara Doi La hku n’na KIA hpyen la ni hpe ninghtan shinggyin na matu shangun dat ai re lam chye lu ai. Naw Tawng hpe gaw awmdawm mara raw da ai hte maren ra ai lam ni shading sharai n’na bai dat na re lam KIA hpyen du tsun dan wa ai.

Naw Tawng hpe rim ai n’hkan e Sara Doi La hte ni nawn ai masha n’kau mi mung Miwa Gumsan mung de hprawng shang mat ai lam chye lu ai.