Myitkyina kaw Mali Hka Kaba

The Kachin Post

July 19, 2004 — Myitkyina mare hta Mali Hka kaba wa ai majaw mare a makau grupyin shara n’kau mi hkan Hka lim mat sai lam mare masha ni tsun dan wa ai.

N’dai hku Hka kaba wa ai gaw July 18 ya jahpawt hking 9:00 daram kaw n’na Mali Hka rawt wa ai majaw Shatapru mare a pum 3 hta na pum 2 Hka lim mat sai lam chye lu ai.

“Mali Hka gaw rawt ding yang rai nga ai, marang mung htu nga ding yang re ai,” ngu Shatapru mare masha langai tsun wa ai.

Shatapru mare masha matut tsun ai gaw, mana de hking 2:00 daram hta Bala Min Htin mahkrai n-pu na mawdaw lam hkan e Hka-nu kaba ni Shatapru Hkauna pa maga de shang bang wa ai hpe mu lu ai lam chye lu ai. Shana de 5:30 hta gaw Shatapru mare de gara maga de na mung shang n mai mat sai rai nga ai.

Mana ten du hkra Hka lim nga ai shara ni gaw N’jang Kawng, Myitkyina Industrial Zone, Manhkring na Karing Naw Sa Ra makau grupyin hte Myu Thit Gyi hkan rai nga ai.

Mali Hka kaba wa ai madung marang aging htu ai majaw sha n ga, N’mai Hka-nu kaba wa ai majaw re lam N’mai Hku de na yu wa ai masha langai tsun dan wa.