KBC Masing Kaba Jahkrat

Malihkrang Uma

December 03, 2004 — Jinghpaw Wunpawng Hkalup Hpung, KBC, gaw 2007 ning hta Nawngnang Chyum Kawlik, KTC, 75 ning hpring chyeju shakawn hpawng hte Myen gumhpraw sen 1,200 dan ai Jubilee masat htingnu gaw gap na matu masing jahkrat sai lam chye lu ai.

N’dai masaing kaba hpe November 29-30 hta galaw ai KBC a 16 lang na Kasa hpawng hta daw dan ai rai n’na, KBC rung dawnu htingnu kaba gaw gap na masing hte dakkasu jawngma shakat Fund a matu alu hta na masing ni hpe mung galaw sa wa na matu masing jahkrat sai rai nga ai. Kasa hpawng hpe KBC Htingnai Ginwang Rung dingshawn shang poi hte hpawn Mogawng Buga Hpung Nawku Jawng wang kaw galaw ai rai nga ai.

N’dai Kasa hpawng hta KBC shingwang kata na Sara kaba ni, Hpaji du ni, Hpung Kasa ni, Hpung Up, Hpung Tau, Saranum, Sarala ni hte Hpung Salang hkum hkum ra ra du dung lawm ai hpe mu lu ai.

Du sa ai kasa shagu gaw democracy lai len hte maren Hpung shawa ni a n’sen hpe gun sa n’na KBC a Sasana magam hpe htuk manu ai hku galaw lu na matu dawdan shagrin ya ai rai nga ai. Rai n’na, KBC Ninghtan Komiti (EC) kawn shalai dat ai shaning tup jai lang ra ai Budget nhprang hpe hkap myit yu n’na kasa ni yawng myit hkrum ai hte maren KBC a jailang na budget n’hprang sen 700 jan hpe mung lu shagrin da sai rai nga ai.

Hpang jahtum hku n’na du na KBC mung shawa zuphpawng hpe Sama Ginwang kaw 2006 ning March shata htum wa maga galaw na lam daw dan sai rai nga ai.