KIO Ningbaw N’kau hpe Bungli na Jahkring

The Kachin Post

January 15, 2004 — Wunpawng Mungdan Shanglawt Hpung KIO Ginjaw Salang lahkawng hte Du Kaba langai hpe mara lu ai mu ai majaw magam gun shara kaw na shapraw kau sai lam chye lu ai. Shan hte gaw laiwa sai bat KIO Ginjaw hta byin wa ai manghkang hte seng n’na lit nga ai ni re lam mung chye lu ai.

Myusha Shim Lam ningbaw Du Kaba Lasang Aung Wa, Ningtau Ningbaw Du Kaba Hpauyam Tsam Yan, hte Du Kaba Padip Gam Aung ni hpe KIO a Jep Sagawn Commission hku na January 14 ya shani hta tara shang magam gun shara na hkring shangut dat sai rai nga ai.

“Mara jaw lam hpa n nga ai, bungli kaw na dawm jahkring kau ai sha re,” ngu KIO Ninggawn Amu Madu Dr Tu Ja The Kachin Post de tsun wa ai.

Dr Tu Ja tsun ai hku rai yang bungli kawn jahkring kau hkrum ai ni gaw mang hkang hte seng n’na dantawk lit nga ai re ai lam hte Jep Sagawn Commissioin kaw na mung Jep lu sai lam tsun wa ai.

“Shanhte mung kaja shangun mayu na tsun shaga ai rai na re, raitim nang kaw byin wa ai lam ni wa ningpawt daw dai hku rai re majaw, bungli kawn dawm jahkring kau ai re,” ngu Dr Tu Ja tsun wa ai. “Anhte Commission kaw evidence ni mung nga ai.”

Du Kaba Lasang Aung Wa hte Du Kaba Hpauyam Tsam Yan yen gaw KIO Ginjaw Salang marai 23 kaw lawn ai ni rai nga ai.