Jinhpaw Wunpawng Ramma Tsa lam Hkrum Zup

The Kachin Post

November 16, 2003—Marai 750 jan ai Jinghpaw Wunpawng ramma ni gaw Wunpawng Mungdan Shanglawt hpung Dap kaba 3 ginjaw hta laiwa sai bat 4 ya shani kawn masum ya na ai ramma hkrum zup poi hta shang lawm wa sai rai nga ai. N’dai masing gaw ‘Wunzup Ningli Atsam’ hpe shapraw lu na matu yaw shada let galaw ai lam chye lu ai.

Dai hkrum zup poi hta Education and Economic Development for Youth (EEDY) matsing kaw shang lawm nga ai ramma ni hte Maija Yang mare na Sara Hpaji Sharin Jawng hte Pan Kachin College na ramma ni shang lawm ai rai nga ai. N’dai masing gaw KIO Ramma Woi Awn Committee a matsun ai lam n’pu hta galaw ai rai nga ai.

“Wunpawng Amyu sha ni a Padang hpe Ramma ni Ningshawng ya ai ten gaw ya dai ni rai sai,” ngu dai poi hta shang lawm ai shadang N’hkang Myu Jet Awng tsun wa ai. Lai wa sai ten hta garai n na yu, n mu yu ai mabyin masa re ngu kam ai ngu Myu Jet Awng matut tsun wa ai.

Ya ten hta ramma 300 jan gaw KIO dap kaba 3 hta mung masa hte hpyen hpaji ni hpe sharing hkaja la nga ai rai nga ai. KIO hku na n’dai matsing hpe dai ning kawn jahkrat wa let ramma ni hpe myu hte mungdan a matu bungli galaw sa wa na matu shalat nga ai lam chye lu ai.