National Convention Matu Dat Kasa Shagrin

The Kachin Post

December 20, 2003— Kachin Independence Organization (KIO) gaw National Convention de lung na dat kasa 5 hpe lata shateng sai lam KIO shiga lawk hku chye lu ai.

Dat kasa marai 5 hpe December shata 8 ya shani galaw ai KIO Ginjaw Committee Zuphpawng hta shagrin dat sai rai nga ai. Malawm ni gaw Du Kaba Dr. Manam Tu Ja (Ninggawn Amu Madu), Du Kaba Sumlut Gum Maw (Masat 3 Dap Ba Nau Up), Du Kaba Lahpai La (Ginjaw Tara Rung Lit Hkam), Du Jum Lahpai Zau Raw (Kut Hkai dat kasa rung lit hkam) hte Du Jum Waw Hkyung Sin Wa (Ginjaw Committee rung Amu Madu) ni rai nga ai.

National Convention hta tang shawn na lam hte seng n’na gaw Myen mung dan hpe Federal Union hku hkrang shapraw lu hkra tsun shaga na lam chey lu ai. Ngut na Sam mung na Jinghpaw Wunpawng myusha ni shanu nga ai shara hpe mung Kachin Sub State ngu matut shagrin ya na matu rasharawng ai lam chye lu ai.

Sam mung na Kachin Sub State hta ya ten hta KIO dap ba 4 hte Kachin Defense Army KDA ni shara la uphkang nga ai ginra ni rai nga ai. N’dai shata praw hta KDA ningbaw ni gaw National Convention hta KIO hte n’sen langai sha re ai lam tsun wa sai rai nga ai.

Raitim, KDA hpyen agyi langai tusn pru wa ai gaw Myen hte ya ten hta hku ai raitim hpyen madung gaw Myen re ngu tsun wa ai.

KIO gaw Myen hpyen asuya Hkringmang Daju Khin Nyunt a Mung masa lam matsun hpe shawng ningnan hkap tau la ai hte National Convention hta shang lawm na matu daw dan da sai uhpung langai rai nga ai.