Myen Hkringmang Daju Mungmasa Lam Matsun N’dau

The Kachin Post

August 30, 2003—Myen Hkringmang Daju ningnan gaw Democracy lamyan de lahkam ai mungmasa lam matsun hpe daini mungdan rapdaw kaw galaw ai zuphawng hta ga sadi jaw wa ai lam mungkan shiga dap ni hku chye lu ai.

Hkringmagn daju Hking Nyunt gaw Mungmasa lam masing hte seng n’na aten ladaw masat da ai lam n’nga ai sha n’ga bai gaw gap na Myen asuya hpung hta democracy ning baw Aung San Suu Kyi hpe shang lawm na ahkang jaw na lam hte seng n’na tusn ai lam n nga ai. Suu Kyi the shi a National League for Democracy (NLD) pati gaw 1990 ning ralata poi hta dang ai raitim mungdan uphkang na ahkng dawm da hkrum ai rai nga ai.

Mungmasa lam matsun hta 1996 ning hta jahkring da ai myusha munghpawm zuphpawng bai galaw n’na mungdan gaw da tara bai ka na hte dai tara hpe mung shawa madi shadaw lam la n’na shagrin na lam, dai gawda tara the maren ralata poi ningnang bai galaw n’na asuya ning nan hpe gaw de na rai nga ai.

Khin Nyunt hku na aten ladaw hkrak n tsun ai raitim, myen hpyen du langai tsun ai gaw rapdaw zuphpawng hpe maibyin ai daram lawan ai hku galaw na myitmada da ai ngu tsun wa ai.

Suu Kyi thte shi a NLD pati gaw myusha munghpawn zuphpawng hta 1995 ning kaw na n shang lawm sai rai nga ai.

Mying n’tsun ai NLD pati Slg langai tsun ai gaw n’dai ‘mungmasa lam matsun’ gaw NLD ni hte bai lu shaga, lu na n lu na the seng n’na tsun na ya ten hta n mai byin shi ai ngu tsun wa ai.

“Anhte ningbaw ni hpabaw myit nga ai ngu tsun na matu grai yak ai,” ngu NLD Slg tsun wa ai. “Anhte hku nna shingdu de hpabaw byin nga ai ngu ai hpe n chye ai.”

Khin Nyunt gaw laiwa sai shata 3 kaw na rim da hkrum ai Suu Kyi hpe democracy mungdan gaw de sa wa ai hpe dingbai dingna galaw ai ngu mara shagun wa ai. Suu Kyi the shi a pati malawm ni hpe May shata 30 ya shani hta Hpyen du ni a masha ni a sihkrung sihtan shamyit ngut ai hpang yawng ngu na daram hpe rim da ai rai nga ai.

Myen Kaichyan du Khin Nyunt gaw August shata 25 ya shani kaw na mungdan hkring mang daju tai wa ai.