Simsa Lam 10 Ning Hpring Poi Galaw na N teng

The Kahcin Post

August 25, 2003—Myen hpyendu ni rasharawng ai simsa lam 10 ning hpring poi galaw na n’mai bying sai lam hpe KIO ginjaw zuphpawng hta daw dan sai lam zuphpawng lung ai KIO du langai tsun dan wa ai. Raitim KIO hte Myen hpyen asuya ni a gap hkat jahkring 10 ning hpring poi hku sha galaw na matu yaw da ai lam chye lu ai.

"10 hpring poi hpe n galaw na ngu ai masing gaw jahkrat sai," ngu KIO du tsun wa ai. "Simsa lam ngu ai hku n galw na rai sai."

Htaning na February shata hta galaw na matu yaw da ai KIO hte Myen hpyen asuya ni a gap hkat jahkring 10 ning hpring poi hpe KIO hku na dai ning praw kawn hkyen lajang nga ai rai nga ai.

Raitim myen uphkang ai ni hku na gaw ‘Gap hkat jahkring’ ngu ai hpe nlang ai sha ‘Simsa lam’ 10 ning hpring ngu ai gabaw the galaw ai poi hpe sha hkap la na ngu tsun pru wa ai rai nga ai.

Dai lam the seng n’na laiwa sai August 23 ya hta hpungdim dat ai KIO zuphpawng hta bawngban na dawdan ai rai nga ai. KIO the Myen hpyen du ni a ganawn mazum ai lam the seng n’na mung matut na kaja hkra hkawm sa wa na matu daw dan sai lam chye lu ai.

"Manang [Myen hpyen du] ni the ganawn mazum lam hta ya na hku loi mi kaja hkra galaw na raitim n shayawm ai masa hku n re le," ngu KIO Du tsun wa ai.

Maigan nga mungmasa maram yu nga ai n kau mi gaw 10 hpring poi galaw na hte seng n’na nau lachyum n pru ai masing re ngu tsun masat nga ma ai.

KIO gaw Myen hpyen asuya 1994 ning February shata 24 ya shani hta gap hkat jahkring na myit hkrum masat da sai rai nga ai.