AKSYU Europe Rung Hpaw

The Kachin Post

February 22, 2002—Wunpawng Jawngma hte Ramma hpung (AKSYU) daju Committee aq daw dan ai lam hte maren 2000 ning February shata 20 ya shani hta Europe munghpawm mungdan hta shamu shamawt lu na matu yaw shada let AKSYU Europe lakung langai hpe England mung London kaw nga ai Shadang Hkun Htoi hpe lit jaw let hpaw hpang wa sai lam chye lu ga ai.

Hkun Htoi gaw London mare kaw Hpaji sharin la nga ai AKSYU malawm langai rai n’na dai Europe AKSYU lakung hpe lit la n’na Europe mungdan kaw shanu nga ai Jinghpaw wunpawng jawma ni hpe mung masa lam hta woi awn shamu shamawt sa wa na rai nga ai.

AKSYU hpung gaw Jinghpaw wunpawng jawngma hte ramma ni yawng hte seng ai rai n’na myutsaw mungtsaw hte mung masa lam hta shanglawm mayu ai ramma ni hte gaw de daw ai hpung langai rai ngaw ai.

Ndai hpung gaw 1996 ning August shata 5 ya shani hta India de du nga ai Jinghpaw wunpawng ramma ni hku n’na woi awn let shara shagu na ramma ni aq myit hkrum lam lu la let myusha yawng aq matu mung masa lam hta grau madang tsaw ai hku shang lawm shamu shamawt lu n’na myusha ni hpe madu myit myit n’na mayam myit hpe shamat let ahkaw ahkang lu ai myusha byin tai wa lu hkra yaw shada let hapw hpang wa ai rai nga ai.

AKSYU hpung daju gaw India mung dan kaw rai n’na 1999 ni hta gaw Thai mung dan Chiang Mai mare hta lakung langai lu hpaw na shamu shamawt wa sai rai nga ai. Ngut na AKSYU hpung gaw myen mung kaw na hpu nau rawtmalan hpung ni hte mung rau jawm bung li gawlaw nga ai rai nga ai.