Myit Yu Ga

Wunpawng Mungdan myusha lam yan hpe myit dat yu yang maga myi sha shanang myit n’chyun shaw n’na, myu sha ni hpe woi awn ai ladat, galaw sa wa ai lam masa ni gaw myu sha yawng a myit kataw hpa, yawn hpa, myu sha ni ga garan na lam n’hpang ni sha rai na re ngu mu mada n’ngai.

Lasang Awng Wa gaw Wunpawng mungdan hte myusha ni a ningtsa sadi n run ai, kang ka ai share shagan n’kau mi hpe woi awn lakawn n’na, lam dam shangun ai mabyin myit kataw shangun ai lam ni byin nga ai hpe na chye lu ai.

Lasang Awng Wa, Hpau Yam Tsam Yan, N’hkum Doi La hte Padip Gam Awng ni matut n’na myusha yawng myit kataw na lam, maga mi de shanang let, myit n’chyun shaw ai magam bungli ladat shaw bai galaw shakut nga ai lam mung na chuye lu nga ai.

N’dai zawn rai ga garan na matu shawng ningnan bungli hpang ai shaloi shang lawm ai, share shagan n’kau mi hpe Lasang Awng Wa a hpyen hpung ni shang kahkyin lakawn la n’htawm san jep zing ri, makoi kau ai lam ni mung na chye lu ai. Dai re ai majaw myu sha ni yawng a shawng lam gam maka gaw grai hkrit tsang hpa mabyin re ai hpe maram lu ai.

Lasang Awng Wa hte manaw manang n’kau mi n’dai zawn maga mi shanang myit n’chyun shaw let galaw ai bungli ladat ni gaw KIO, KIA ga garan wa na lam hpe ladat kaba shaw, masing kaba shaw n’na galaw taw nga ai lam re ai majaw, myu sha ni yawng a matu yawn hpa magam kaba ni she rai na re ngu chye na lu ai. (June 29, 2004)

Wunpawng Mungdan Shanglawt Hpyen Dap,KIA, Magam Gun Langai