National Convention N’tsa Mu Mada Hkapla ai Lam

SPDC, myen hpyen asuya, gaw mungchying sha yawng n ra n’na ninghkap nga ai hta n’ga mai gan mung dan yawng mung masat masa n galaw ai hte madi shadaw ai lam n nga ai asuya re chye nga ninglen ya na zawn KIO gaw SPDC kawn bai galaw na National Convention hpe hkap tau madi shadaw la ai lam gaw mau n ma re.

National Convention bai galaw na maw lanyet gaw SPDC hte KIO hpung ni a mung chying sha ni matu mai kaja lam tam mayu na n re ai sha, tinang a uhpung (Oraganization) hpe woi awn nga ai ni daru magam hte dinggyeng akyu tam ai lam hta matut n’na ngang grin na matu sha re ngu sawn la lu ai. Hpa majaw ngu yang mung masha ni ra sharawng ai lam ni hpe n hkan galaw ai sha shanhte ra ai lam ni sha galaw nga ai.

KIO hte SPDC gaw ‘mutual agreement’ la n’na galaw sa wa na mung masa lamang ni gaw ‘On behalf of All Kachin People’ ni myit hkrum madi shadaw ai hku n’na galaw sa wa ai re ngu ai hku kachyi mung n hkap la lu ai. Ra lata poi hta wa mi awng dang n’na mungdan hpe uphkang wa tim, mung chying sha ni a asuya langai re ai hku hkap la lu na n re.

Ya dai ni du hkra mung dan hpe atsawm nchye woi awn up hkang ai uhpung gaw ra lata poi awng dang n’na matut uphkang wa ai rai yang, ya na hta grau sawng mat wa na re.Ya du hkra nchye up hkang ai ni gaw galoi mung chye woi awn sana n re.

Uhpung lahkwng yen ra sharawng ai lam ni galaw mai ai raitim, mung shawa ni ra sharawng ai lam ni hte galaw mayu ai lam ni hpe pat shingdang, ding bai dingna jaw ai lam ni hpe gaw zep kawp ninghkap ai. (September 24, 2003)

Mungchying sha langai/ Via E-mail