Mungdan a Matu nga n’na Kam ai hku n Galaw ga

“Tinang a mungdan rawt jat na lam a matu tinang marawn mayu hku marawn nga ai ladat hpe koi yen let,” ngu n’na December shata 17 ya shani na The Kachin Post hta lawm ai Slg. James Lum Dau a ga ngau hta tsun da ai hpe ngai hku n’na byeng tsun mayu ai gaw, “Tinang a amyu sha ni grin nga lu na matu tinang GALAW mayu ai hku GALAW nga ai lai ladat hpe koi yen let.” ngu mayu ai.

Dai ni KIO hku n’na uhpung ting a masa galai mat wa n’na Myen hpyen asuya hpe kam sham saga ai nga yang mung ngai hku n’na gaw mara n shagun ai. KIO mying hpe raw kau da nhtawm hkan madi shadaw nang mu. Raitim, Jinhpaw Wunpawng mung shawa a ahkang aya hpe kashun la n’na anthe myusha yawng a mying ningsang hta tinang kam ai hku galaw ai gaw MARA KABA re.

Kam ai hku marawn ai hta kam ai hku galaw ai gaw grau yuk nga ai. Dai ni anhte amyu sha ni a mying gang n’na, amyu sha ni a myit hkrum ai lam n la ai sha tinang uhpung a akyu ara a matu kam ai hku galaw ai gaw kadai rai kun? Mahtai shaw yu ga. Anhte mung shawa masha gaw kam ai hku marawn na hkum tsun, nsoi nsa matut na matu shat pyi hpa n sha rai wa nga saga ai.
(December 20, 2003)

Namhtum Pahtau