The Kachin Post

Wunpawng Media Empire

Kachin Post ngu ai, shi laika dap lu hpaw da sai nga na lu ai majaw grai na kabu ai. Ndai shiga dap gaw anhte Jinghpaw Wunpawng sha ni a matu grai ahkyak nga ai. Jaw ai hku tsap let mung masha a mayak manghkang ni hpe shadan shadawng ya lu ai (anhte Wunpawng media empire) rai wa na re hpe mung kam ai.

Jaw ai lam galaw ai anhte a Wunpawng Ningbaw ningla,hpung sara ni hte shagrau nna, shut ai lam hta hkan wa ai ningbaw ningla, hpung woi sara ni hpe gwi gwi myit shadum jahprang n’gun jaw ya lu ai (independence)shiga dap rai wa na hpe mung myit mada ga ai. Shi laika sara kaba ni tsun ga ai "Politicians who complain about the media are like sailors who complain about the sea" nga ai re majaw, shi laika sara ni aq galaw ra ai bungli hpe ndut ndang, n'hkrit n'tsang galaw sa mat wa na re hpe mung anhte grai myit mada ga ai.Ndai shiga dap kaw na pru sa wa ai shiga ni gaw mungkan shiga ni hta mung tara shang shiga la ai shiga dap rai wa na hpe mung kam ga ai.

U.K na manang ni mung ndai Kachin Post shiga dap hpaw sai nga ai majaw grai na kabu nga ma ai. Ngai mung ndai kaw amyu sha aq lam dang di dep lu ai made shakut nga na hku re majaw, an hkau ni matut jawm galaw sa wa na bungli lam ni nga wa yang mung hkrum bawng ban jahkrup wa na hpe shana dat ai. (February 01, 2002)

Layang Hkun Htoi/London