Myit Dik Na Lam Kanang Ta?

N’hkang Awng Jat

Moi ngu na tsun tim n-shut,
Lai wa sai ten ngu yang mung htuk,
1958 ning hta,
PNDF Rawt Malan Hpung paw pru lai wa sai da.
Dai ten na yaw shada lam,
Pawng Yawng Amyu Sha ni shang lawt lu na tam,
Aprat ladaw galai,
1961 du sai rai.

1961 ning hta,
GOC Zau Seng Jinghpaw Wunpawng Amyu a ningshawng tai ya,
KIO ngu ai hpe shalat,
MSL hpe gasat.
Myit mada yaw shada lam,
Jinghpaw Wunpawng Amyu Sha ni awm dawm shanglawt lu na lam.

Ya dai ni, rawt malan aprat galu,
Tsa ban 21 de du,
Jinghpaw Wunpawng Amyu ni a rawt malan lam,
Yaw shada pan dung Sim sa lam.
Tara lam n tara lam n yu,
Tinggyeng akyu sha yu.
Kadai ngu madi tsun n ra,
Shanhte yawng gaw maren sha.

Myen Sa Wa Hkin Nyut a lashoi jum,
Simsa lam hta Jinghpaw Wunpawng Amyu Sha ni shoi chyum.
Lu ai mung mat,
Nga ai mung tat,
Ga hte gaw Myu Tsaw Mung Tsaw,
Galaw lam hta gaw tinggyeng a kyu chyu law,

Wunpawng Amyu sha ni prat madang,
Hkin Nyut a Road Map shing dang.
Shawng lam hta ningsin chyip,
Lashoi hkrum ai ni midi chyip.
Hpa n mu ai ni wa she,
Tengman ai de she re da le,
Teng man lam gaw kanang ta?
Myit dik na mahtai, Hpa n nga.
Wunpawng Amyu yawng myit dum ra,
Hpyen Madung gaw, Myen Sa Wa.

(November 30, 2003)

Lahta na gashagaw gaw N’hkang Awng Jat a ningmu ni sha rai n'na The Kachin Post a ningmu ni n re ai lam chye shangun mayu ga ai.